Xiaomi ၶိုၼ်ႈပဵၼ် ၶွမ်ႊပႃႊၼီႊၾူၼ်း ယႂ်ႇသုတ်းၼႂ်းမိူင်းၶႄႇ

ၸုမ်းထတ်းသၢင်ၵၢၼ်သိုဝ်ႉၶၢႆၾူၼ်း Canalys ပိုၼ်ၽၢဝ်ႇဝႃႈ Xiaomiၶိုၼ်ႈပဵၼ်ၶွမ်ႊပႃႊၼီႊ ၶၢႆၾူၼ်းဢၼ်ယႂ်ႇ သုတ်းၼႂ်းမိူင်းၶႄႇတႅၼ်းတီႈ Samsung ယဝ်ႉၼႆ။

ၸွမ်းၼင်ႇလၢႆးငၢၼ်းၶွင် Canalys ၼၼ်ႉ ယၢမ်းလဵဝ် Xiaomi ၶၢႆၾူၼ်းႁူမ်ႈပဵၼ် 14%ၶွင်ၾူၼ်း ၼႂ်းမိူင်းၶေႇ ဢၼ်တေႇၶၢႆပီၼႆႉတင်းမူတ်း။ ထႅင်ႈၽၢႆႇ Samsung လႄႈ Lenovo သမ်ႉယူႇတီႈ 12% ၼႆယူႇ။

လွင်ႈတၢင်းဢၼ်ႁဵတ်းႁႂ်ႈၶွမ်ႇပႃႊၼီႊ Xiaomi မီးၸိုဝ်ႈသဵင် လႄႈၶိုၼ်ႈယႂ်ႇမႃးယူႇၼႂ်းသၢႆမၢႆၸုမ်း ႁဵတ်းဢွၵ်ႇ ၾူၼ်းၸၼ်ႉလုမ်ႈၽႃႉဝႆးဝႆးၼႆႉ ပဵၼ်ယွၼ်ႉၶွမ်ႊပႃႊၼီႊ Xiaomi ႁဵတ်းဢွၵ်ႇ ၾူၼ်း ဢၼ်ၵႃႈၶၼ်ထုၵ်ႇ၊ ႁၢင်ႈလီ၊ လႄႈႁဵတ်းၵၢၼ်ဝႆး မိူၼ်ၼင်ႇၾူၼ်း Mi4 ဢၼ်တိုၵ်ႉပိုတ်ႇတူဝ်ၵႂႃႇဢမ်ႇပေႃးႁိုင်ၼႆႉ ၼႆယူႇ။