သႅဝ်ႊမီႊ ပိုတ်ႇတူဝ် OS ၾူၼ်းတူဝ်မႂ်ႇ MIUI 6
ၸုမ်းႁဵတ်းဢွၵ်ႇၾူၼ်းမိူင်းၶႄႇ သႅဝ်ႊမီႊ (Xiaomi) ပိုတ်ႇတူဝ် OS တႃႇၸႂ်ႉၼႂ်းၾူၼ်းတူဝ်မႂ်ႇၸိုဝ်ႈ MIUI 6 ဢၼ်မီးၽၢင်ႁၢင်ႈၼႃႈတႃ လႄႈတၢင်းႁၢင်ႈလီမိူၼ် iOS7 လႄႈ Android ၼႆ။
မိူဝ်ႈဝၼ်းထိ 17/08/14 ပူၼ်ႉမႃးၼႆႉ ၸုမ်းသႅဝ်ႊမီႊ ပိုတ်ႇတူဝ် OS (ပူဝ်ႊၵႅမ်ႊ) တူဝ်မႂ်ႇ ၸိုဝ်ႈ MIUI 6 ဢၼ် တေထုၵ်ႇၸႂ်ႉၼႂ်းၾူၼ်းသႅဝ်ႊမီႊမိူဝ်းၼႃႈ။ ၽၢင်ႁၢင်ႈတႃႈတႃၶွင် OS ၼႆႉ ၸၢဝ်း IT ၵမ်ႈၼမ် ထတ်းသၢင်ဝႃႈ ပဵၼ်ၵၢၼ်ဢဝ် Flat Design ၶွင် iOS7 လႄႈ Material Design ၶွင် Android မႃးႁူမ်ႈ ၵၼ်ဝႃႈၼႆယူႇ။
လိူဝ်သေၽၢင်ႁၢင်ႈဢၼ်ႁၢင်ႈလီယဝ်ႉ OS တူဝ်မႂ်ႇၼႆႉ တေႁဵတ်းႁႂ်ႈၾူၼ်းႁဵတ်းၵၢၼ်ဝႆးလိူဝ်ၵဝ်ႇ၊ တေ ဢမ်ႇပေႃး ၵိၼ်ႁႅင်းၾႆးၾႃႉ၊ လႄႈ မီးလွင်ႈႁူမ်ႇလူမ်ႈတႃႇၶေႃႈမုၼ်းၼႂ်းၾူၼ်း ၵွပ်ႈဝႃႈတေမီးပူဝ်ႊၵႅမ်ႊ ၶႃႈႁႅမ်မူင်ႈမႅင်း (anti virus) ပႃးမႃးၼႂ်းတူဝ် ၼႆယဝ်ႉ။
တႃႇပီႈၼွင်ႉၸိူဝ်းဢၼ်တိုၵ်ႉၸႂ်ႉၾူၼ်းသႅဝ်ႊမီႊယၢမ်းလဵဝ်ဢမ်ႇၼၼ်ပီႈၼွင်ႉၸိူဝ်းဢၼ်ႁၢင်ႈႁႅၼ်းတေ တႅမ်ႈပူဝ်ႊၵႅမ်ႊ (App) ၼၼ်ႉ တေလႆႈၸၢမ်းလဵၼ်ႈ OS တူဝ်မႂ်ႇၼႆႉ ၼႂ်းလိူၼ် 10 ၶွင်ပီၼႆႉ ၼႆယူႇ ယဝ်ႉ။
သႅဝ်ႊမီႊ ပိုတ်ႇတူဝ် OS ၾူၼ်းတူဝ်မႂ်ႇ MIUI 6
Reviewed by ၸဝ်ႈသု(မိူင်းပၼ်ႇ)
on
October 15, 2014
Rating:

No comments: