ပိုတ်ႇတူဝ် USB 3.1 သၢႆလဵဝ်ၸႂ်ႉလႆႈလၢႆၶိူင်ႈ

USB Promoter Group ပိုတ်ႇတူဝ် USB 3.1 သႅၼ်းမႂ်ႇဢၼ်တေႃႉသူင်ႇၶေႃႈမုၼ်းလႆႈဝႆးလိူဝ်ၵဝ်ႇ လႄႈ ၸႂ်ႉ တိုဝ်းလႆႈတင်းၶွမ်းလႄႈၾူၼ်းႁူမ်ႈၵၼ် ၼႆ။

မိူဝ်ႈဝၼ်းထိ 12/08/14 ပူၼ်ႉမႃးၼႆႉ ၸုမ်းႁဵတ်းဢွၵ်ႇ USB မိူၼ်ၼင်ႇ USB Promoter Group ပိုတ်ႇတူဝ် USB 3.1 ဢမ်ႇၼၼ်မီးၸိုဝ်ႈတၢင်းၵၢၼ်ဝႃႈ USB Type-C ဢၼ်ၸၢင်ႈတေႃႉ သူင်ႇ ၶေႃႈမုၼ်းလႆႈသုင်ထိုင် 10 Gbps (USB 3.0 တေႃႉလႆႈ 6 Gbps) လႄႈ သၢႆလဵဝ်ၼႆႉၵူၺ်း သဵပ်ႇၸႂ်ႉလႆႈတင်းၾူၼ်းလႄႈၶွမ်း ၼႆယူႇ။

ၽၢင်ႁၢင်ႈတင်းယႂ်ႇ USB 3.1 ၼႆႉပဵင်းသၢႆ Micro-USB ဢၼ်ႁဝ်းၸႂ်ႉသႂၢင်းၾႆးၾူၼ်း ၵူၺ်းၵႃႈမၼ်း ၸၢင်ႈတေႃႉ သူင်ႇႁႅင်းၾႆးသုင်ထိုင် 100W ၊ ၵွပ်ႈၼၼ်ႁဝ်းၸၢင်ႈဢဝ်မၼ်းၵႂႃႇသႂၢင်းၾႆးၶွမ်းပႃး ၼႆယူႇ။

ပဵၼ်ႁိုဝ်ၵေႃႈယဝ်ႉ ဢိင်ၼိူဝ်တိုၵ်ႉပိုတ်ႇတူဝ်ၵူၺ်းလႄႈ တႃႇႁဵတ်းၵၢၼ်ၸွမ်းႁူး USB 2.0 ဢမ်ႇၼၼ် USB 3.0 ဢၼ်ၵဝ်ႇၼၼ်ႉ တေလႆႈၸႂ်ႉႁူဝ်သုပ်းၸွႆႈ။ ယုမ်ႇယမ်ဝႃႈမိူဝ်းၼႃႈမႃး တေမီးၶွမ်း ဢမ်ႇၼၼ် ၾူၼ်းမႂ်ႇတင်းၼမ် သႂ်ႇမႃးပႃး ႁူး USB 3.1 တူဝ်မႂ်ႇၼႆႉၵၼ်ယူႇ။