လွင်ႈၶဝ်ႈၸႂ်ၽိတ်း ၵပ်းၵၢႆႇလူၺ်ႈထၢၼ်ႇ Notebook

ထၢၼ်ႇၾႆးတႃႇ Notebook ၼၼ်ႉ လႆႈဝႃႈပဵၼ်ၶိူင်ႈမိုဝ်းလမ်ႇလွင်ႈတႃႇၵူၼ်းၸိူဝ်းႁဵတ်းၵၢၼ် တၢင်း ၼွၵ်ႈႁိူၼ်းတႄႉ တႄႉ။ ၵွပ်ႈၼၼ်မီးၵူၼ်းတင်းၼမ် ဢွၼ်ၵၼ်ႁၵ်ႉသႃ ႁႂ်ႈထၢၼ်ႇႁဵတ်းၵၢၼ် လႆႈႁိုင် လိူဝ်ၵဝ်ႇၵၼ်ယူႇ။  ၵူၺ်းသင်ႁၵ်ႉသႃဢမ်ႇမႅၼ်ႈလၢႆးမၼ်းၼႆ ၸၢင်ႈႁဵတ်းႁႂ်ႈဢႃႇယု ထၢၼ်ႇၾႆးပွတ်း လိူဝ်ၵဝ်ႇ တႅၼ်းတီႈတေလီလိူဝ်ၵဝ်ႇၼၼ်ႉ ယူႇ။ ဝၼ်းမိူဝ်ႈၼႆႉ ႁဝ်းၶႃႈမႃးတူၺ်း လွင်ႈ ၶဝ်ႈၸႂ်ၽိၼ်း 3 ပိူင်ၵပ်းၵၢႆႇလူၺ်ႈၵၢၼ်ႁၵ်ႉသႃထိင်းသိမ်းထၢၼ်ႇၾႆးၶွမ်း ၸွမ်းၼင်ႇပႃႈတႂ်ႈၼႆႉ-

1. ပၼ်ထၢၼ်ႇမူတ်းယဝ်ႉၸင်ႇသႂၢင်းၾႆး 

လွင်ႈတၢင်းၼိုင်ႈဢၼ်ႁဵတ်းႁႂ်ႈထၢၼ်ႇၾႆး မူၺ်းဢႃႇယုဝႆးလိူဝ်ၵဝ်ႇၼၼ်ႉ ပဵၼ်ယွၼ်ႉတၢင်းမႆႈ ၼိူဝ်ထၢၼ်ႇ။ ၵွပ်ႈ ၼၼ်သင်ၽူႈဢၢၼ်ႇၶဝ်ပွႆႇႁႂ်ႈထၢၼ်ႇမူတ်း ဢမ်ႇၼၼ်ၸမ်မူတ်း တႄႉတႄႉယဝ်ႉ ၸၢင်ႇသႂၢင်းၾႆးၼႆၸိုင် တေႁဵတ်းႁႂ်ႈၵၢၼ်သၢင်းၾႆးၼၼ်ႉ ႁိုင် လႄႈ ထၢၼ်ႇတေမႆႈလိူဝ်ၵဝ်ႇ ဢၼ်တေ ႁဵတ်းႁႂ်ႈဢႃႇယုထၢၼ်ႇပွတ်းလူင်း။ ယွၼ်ႉၼၼ် သင်ပဵၼ်လႆႈႁႂ်ႈသႂၢင်းထၢၼ်ႇ မိူဝ်ႈႁႅင်း ၾႆးမၼ်း လိူဝ်မွၵ်ႈ 20 - 30 % ၼၼ်ႉတေလီသုတ်း ၼႆယဝ်ႉ။

2. ဢဝ်မၢၵ်ႇထၢၼ်ႇဢွၵ်ႇမိူဝ်ႈတိုၵ်ႉသဵပ်ႇ  ၾႆး

လၢႆၵေႃႉဢဝ်မၢၵ်ႇထၢၼ်ႇဢွၵ်ႇပႅတ်ႈမိူဝ်ႈတိုၵ်ႉသဵပ်ႇၾႆးယူႇ ၵွပ်ႈယုမ်ႇယမ်ဝႃႈထၢၼ်ႇတေႁဵတ်းၵၢၼ် လႆႈႁိုင်လိူဝ်ၵဝ်ႇ။ တီႈတႄႉမၼ်းလွၵ်းလႆးၼႆႉပဵၼ်လႆႈတေႃႇဢႃႇယုထၢၼ်ႇထႅင်ႈလၢႆးၼိုင်ႈယူႇ။ ၵူၺ်းပၼ်ႁႃဢၼ်ယႂ်ႇလိူဝ်ၼၼ်ႉ သင်ဢမ်ႇမီးထၢၼ်ႇၼႆ ႁႅင်းၾႆးဢၼ်ၶွမ်းလူဝ်ႇၸႂ်ႉ ၼၼ်ႉၵေႃႈ ဢမ်ႇမၢၼ်ႇ၊ လိူဝ်သေၼၼ်ႉ သင်ၾႆးၵိုင်ႉၵင်ႉလပ်း ၼႆၸိုင် ၸၢင်ႈႁဵတ်းႁႂ်ႈၶွမ်းၵွႆလႆႈငၢႆႈ!

3. ထၢၼ်ႇမူတ်းဢႃႇယုယွၼ်ႉၸဝ်ႈၵဝ်ႇဢမ်ႇမေႃႁၵ်ႉသႃ 

လၢႆၵေႃႉပွင်ႇၸႂ်ဝႃႈ လွင်ႈဢၼ်ထၢၼ်ႇၶွမ်းမူတ်းဢႃႇယုၼၼ်ႉ ပဵၼ်ယွၼ်ႉၸဝ်ႈၵဝ်ႇႁၵ်ႉသႃ လူလွမ် ၽိတ်း လၢႆးမၼ်း ဢမ်ႇၼၼ်ၸႂ်ႉဢမ်ႇမႅတ်ႈတၢင်းမၼ်းၼႆယူႇ။ တီႈတႄႉမၼ်းထၢၼ်ႇၾႆးၵူႈဢၼ် မူတ်းဢႃႇယုၵႂႃႇၸွမ်းၶၢဝ်းယၢမ်း သၽႃႇဝမၼ်းယူႇ။ ထၢၼ်ႇၾႆး ၼိုင်ႈၵွၼ်ႈၼၼ်ႉ ဢႃႇယုမၼ်း မၵ်းမၼ်ႈ ဝႆႉမွၵ်ႈ 1 - 2 ပီ လႄႈ ၶွမ်းၼိုင်ႈလုၵ်ႈ  ၼၼ်ႉ တေလႆႈၸႂ်ႉ ထၢၼ်ႇတီႈဢေႇသုတ်း 2 ၵွၼ်ႈ ၼႆယဝ်ႉ။