Apple ပိုတ်ႇတူဝ် iPhone 6 လႄႈ Apple Watch

ဝၢႆးလႆႈလမ်းၶၢဝ်ႇၵပ်းၵၢႆႇလူၺ်ႈၾူၼ်းတူဝ်မႂ်ႇၶွင် Apple မႃးတၢင်းႁိုင် လိုၼ်းသုတ်းၸုမ်း Apple ပိုတ်ႇတူဝ်ၾူၼ်း မႂ်ႇသွင်သႅၼ်း iPhone 6 လႄႈ iPhone 6 Plus ဢိၵ်ႇတင်းယၢမ်းမွင်းတူဝ်မႂ်ႇၸိုဝ်ႈ Apple Watch ယဝ်ႉၼႆ။

iPhone 6 
iPhone 6 ၼၼ်ႉမီးတင်းယႂ်ႇၼႃႈၾူၼ်း 4.7 မႄႈမိုဝ်း (ၼိဝ်ႉ) လႄႈမီးတၢင်းၸႅင်ႈ 1334x750 ppi သေဢမ်ႇၵႃး မၼ်းယင်းပႃးမႃးၸွမ်း CPU A8 လႄႈ iOS8 တူဝ်မႂ်ႇဢၼ်ၸွႆႈႁႂ်ႈၾူၼ်းႁဵတ်းၵၢၼ်ဝႆး လိူဝ်ၵဝ်ႇ၊ မီးလွင်ႈႁူမ်ႈလူမ်ႈ ၼမ်လိူဝ်ၵဝ်ႇ၊ လႄႈ ၸႂ်ႉႁႅင်းၾႆးဢေႇလိူဝ်ၵဝ်ႇၼႆယူႇ။ လိူဝ်သေၼႆႉ ယင်းမီးၵၢၼ်လႅၵ်ႈလၢႆႈၵွင်ႈထႆႇႁုပ်ႈတူဝ်မႂ်ႇ တႃႇႁႂ်ႈၵၢၼ်ထႆႇဝီႇတီႇဢူဝ်ႇ 1080p HD လႆႈ ၼႆယူႇ။

iPhone 6 Plus 
လိုဝ်သေ iPhone 6 ယဝ်ႉ ၸုမ်း Apple ယင်းလႆႈပိုတ်ႇတူဝ်ၾူၼ်းထႅင်ႈသႅၼ်းၼိုင်ႈၸိုဝ်ႈ iPhone 6 Plus။ လွင်ႈႁဵတ်းၵၢၼ်၊ CPU၊ လႄႈ OS ၼၼ်ႉမိူၼ်ၵၼ်တင်း iPhone 6 တင်းသဵင်ႈ။ ၵူၺ်းတီႈ လၢၵ်ႇလၢႆးမၼ်းၼၼ်ႉ ပဵၼ်တီႈတင်းယင်ႇၼႃႈၾူၼ်း 5.5 မႄႈမိုဝ်းလႄႈ မီးတင်းၸႅင်ႈ 1920 x 1080 ppi ၼႆယူႇ။

iPhone တင်းသွင်သႅၼ်းၼႆႉ တေပၼ်သင်ႇသိုဝ်ႉလႆႈၼိူဝ်ဝႅပ်ႉတေႇဢဝ်ဝၼ်းထိ 12/09/14၊ တေတႄႇၶၢႆၼႂ်း 9မိူင်းဢွၼ်တၢင်း ၼႂ်းဝၼ်းထိ 19/09/14 လႄႈ တေဝၢင်းၶၢႆ ၼႂ်း 115 မိူင်းၵွၼ်ႇ သဵင်ႈပီၼႆႉၼႆယူႇ။ ၵႃႈၶၼ် iPhone 6 ၼၼ်ႉတႄႇတီႈ $199 တႃႇ 16GB၊ $299 တႃႇ 64GB၊ လႄႈ $399 တႃႇ 120GB။ ထႅင်ႈၽၢႆႇၼိုင်ႈၵႃႈၶၼ် iPhone 6 Plus ၼၼ်ႉသမ်ႉတေႇတီႈ $299 တႃႇ 16GB၊ $399 တႃႇ 64GB၊ လႄႈ $499 တႃႇ 120GB ၼႆယူႇ။

Apple Watch 

လိူဝ်သေၾူၼ်းမႂ်ႇ 2 သႅၼ်းယဝ်ႉ Apple ယင်းလႆႈပိုတ်ႇတူဝ်ယၢမ်းမွင်းတူဝ်မႂ်ႇၸိုဝ်ႈ Apple Watch တႃႇႁဵတ်း ၵၢၼ်ၸွမ်း iPhone 5, 5S, လႄႈ 6။ ယၢမ်းမွင်းတူဝ်မႂ်ႇၼႆႉ ၸႂ်ႉႁပ်ႉၾူၼ်းတႅၼ်း iPhone ၊ ထွမ်ႇၵႂၢမ်း၊ တူၺ်း
ၶႅပ်းႁၢင်ႈ၊ ဢၢၼ်ႇၶၢဝ်ႇ၊ တူၺ်းၽႅၼ်ႇတီႈ၊ လႄႈ သူင်ႇလိၵ်ႈၸၵႂႃႇလႆႈ မိူၼ်ၵၼ်တင်းၾူၼ်း ၼႆယူႇ။ ၵႃႈၶၼ်မၼ်း ၼၼ်ႉတေယူႇတီႈ $349 လႄႈတေဝၢင်းၶၢႆၼႂ်းႁူဝ်ပီ 2015 ၼႆယဝ်ႉ။