Google ပိုတ်ႇတူဝ်ၾူၼ်း ၵႃႈၶၼ်ထုၵ်ႇ Android One

ၸုမ်း Google ႁူမ်ႈမိုဝ်းတင်းၶွမ်ႊပႃႊၼီႊၽၢႆႇဢၢႆႇထီႇလၢႆၸုမ်းသေ ပိုတ်ႇတူဝ်ၾူၼ်း Android One ဢၼ်မီးၵႃႈ ၶၼ်ထုၵ်ႇ လႄႈ ႁဵတ်းၵၢၼ်လႆႈလီ ၼႂ်းမိူင်းဢိၼ်ႊတီႊယႃႊ ၼႆ။

တႃႇႁႂ်ႈၵူၼ်းၵူႈၵေႃႉၸၢင်ႈသိုဝ်ႉၾူၼ်း Android ဢၼ်မီးၵႃႈၶၼ်ထုၵ်ႇလႄႈလီၼၼ်ႉ မိူဝ်ႈဝၼ်းထိ 15/09/14 ၸုမ်း Google ပိုတ်ႇတူဝ်ၾူၼ်းၵႃႈၶၼ်ထုၵ်ႇတူဝ်ဢွၼ်တၢင်းသုတ်းၸိုဝ်ႈ  Android One ၼႂ်းမိူင်းဢိၼ်ႊတီႊယႃႊ ၼႆယူႇ။ တႃႇႁဵတ်းပဵၼ်ၾူၼ်းၼႆႉမႃးၼၼ်ႉ ၸုမ်း Google လႆႈႁူမ်ႈမိုဝ်း ၵၼ်တင်းၶွမ်ႊပႃႊၼီႊၽၢႆႇဢၢႆႇထီႇ လၢႆၸုမ်း မိူၼ်ၼင်ႇ Micromax ၊ Karbonn ၊ လႄႈ Mobiles ဝႃႈၼႆယူႇ။

ၾူၼ်း Android One ၼႆႉ ပႃးမႃးၸွမ်း specs ဢၼ်လီသူၼ်ၸႂ် မိူၼ်ၼင်ႇ -

CPU:         1.3GHz MediaTek quad-core
ၵွင်ႈထႆႇၶႅပ်းႁၢင်ႈ:     5MP (လင်) လႄႈ 2MP (ၼႃႈ)
RAM:        1 GB
တီႈၵဵပ်းၶေႃႈမုၼ်း:    4GB
OS:        Android KitKat 4.4

ၵႃႈၶၼ်ၾူၼ်းၼႆႉယူႇတီႈ 6,339 လူႊပီႊ ဢမ်ႇၼၼ်မွၵ်ႈ 3,500 ဝၢတ်ႇငိုၼ်းထႆး။ လိူဝ်သေၼႆႉ ၾူၼ်း Android One ၼႆႉယင်းၸၢင်ႈ upgrade software မိူဝ်ႈမီး OS တူဝ်မႂ်ႇဢွၵ်ႇမႃး (မိူၼ်ၼင်ႇၾူၼ်း Nexus) ၼႆယဝ်ႉ။