Gmail ၸမ် 5 လၢၼ်ႉၸိုဝ်ႈ ထုၵ်ႇႁႅၵ်ႉလူၺ်ႈႁႅၵ်ႊၶိူဝ်ႊ မိူင်းရတ်ႊသျႃႊ

ၸိုဝ်ႈလႄႈမၢႆလပ်ႉ Gmail ၸမ် 5 လၢၼ်ႉ ထုၵ်ႇၸုမ်းႁႅၵ်ႊၶိူဝ်ႊ (hacker) မိူင်းရတ်ႊသျႃႊ ႁႅၵ်ႉ(လၵ်ႉ)လႆႈသေ ၵႂႃႇတၢင်ႇဝႆႉၼိူဝ်ဝႅပ်ႉၼႆ။

ဝၢႆးၸုမ်း Apple ပဵၼ်ၶၢဝ်ႇလွင်ႈထုၵ်ႇႁႅၵ်ႉၶေႃႈမုၼ်းၼိူဝ် iCloud သေႁဵတ်းႁႂ်ႈၶႅပ်းႁၢင်ႈလပ်ႉၵူၼ်းၸိုဝ်ႈလင်လၢႆ ၵေႃႉ လုတ်ႈဢွၵ်ႇမႃးယဝ်ႉ လိုၼ်းသုတ်းၸုမ်း Google ထုၵ်ႇ ႁႅၵ်ႊၶိူဝ်ႊမိူင်းရတ်ႊသျႃႊ ႁႅၵ်ႉၶဝ်ႈ Gmail သေ လၵ်ႉ လႆႈၸိုဝ်ႈလႄႈမၢႆလပ်ႉၸမ် 5 လၢၼ်ႉၼႆယူႇ။

လၢႆးၸိုဝ်ႈလႄႈမၢႆလပ်ႉ Gmail ၸမ် 5 လၢၼ်ႉၼႆႉ ၸုမ်းႁႅၵ်ႊၵိူဝ်ႊဢၼ်ၸႂ်ႉၸိုဝ်ႈဝႃႈ Tvskit ၵႂႃႇတၢင်ႇဝႆႉၼိူဝ်ဝႅပ်ႉ btcsec.com ဢၼ်ပဵၼ်ဝႅပ်ႉၸိုဝ်ႈလင်ၼႂ်းမိူင်းရၵ်ႊသျႃႊတီႈၼိုင်ႈသေ မီးႁၢႆးငၢၼ်းဝႃႈႁူဝ်ပၢၵ်ႇ 60% ၶွင်လၢႆးၸိုဝ်ႈ ၸိူဝ်းၼႆႉၶဝ်ႈၸႂ်ႉလႆႈတႄႉၼႆယူႇ။

သင်ၽူႈဢၢၼ်ႇႁဝ်းၶဝ်ၶႂ်ႈႁူႉဝႃႈၸွင်ႇၸိုဝ်ႈလႄႈမၢႆလပ်ႉ Gmail ၸဝ်ႈၵဝ်ႇပႃးၼႂ်းသၢႆမၢႆဢၼ်ထုၵ်ႇႁႅၵ်ႉၼႆ ၵႂႃႇထတ်း လႆႈတီႈဝႅပ်ႉ [LINK=https://isleaked.com/index.php?lang=en]https://isleaked.com/index.php?lang=en[/LINK] ။ သင်ပဵၼ်လႆႈ ၽူႈဢၢၼ်ႇႁဝ်းၶဝ်ထုၵ်ႇလီလၢႆႈမၢႆလပ်ႉ Gmail တႃႇလွင်ႈႁူမ်ႇလူမ်ႈၶေႃႈမူၼ်းၸဝ်ႈၵဝ်ႇ ၼႆယူႇ။