Google ပိုတ်ႇတူဝ် Chrome 64-bit

ၸုမ်း ၵူႊၵိူဝ်ႊ ပိုတ်ႇတူဝ် Chrome Browser 64-bit ဢၼ်ႁဵတ်းၵၢၼ်ဝၢႆးလိူဝ်ၵဝ်ႇ လႄႈ မီးလွင်ႈႁူမ်ႇလူမ်ႈၼမ် လိူဝ်ၵဝ်ႇ တႃႇပီႈၼွင်ႉၸိူဝ်းၸႂ်ႉၶွမ်းဢၼ်ၵမ်ႉထႅမ် 64-bit ၼႆ။

ၼႂ်းဝၼ်း ပိုတ်ႇတူဝ် Chrome 32-bit 37 ၼၼ်ႉ ၵူႊၵိူဝ်ႊ ယင်းလႆႈပိုၼ်ၽၢဝ်ႇပိုတ်ႇတူဝ်ပႃး Chrome 64-bit ဢၼ်တေၸႂ်ႉၽွၼ်းလီၶွင် CPU 64-bit လႆႈတဵမ်ထူၼ်ႈ။ ၼႆႉပွင်ႇဝႃႈ Chrome 64-bit တေႁဵတ်းၵၢၼ်ဝႆးလိူဝ် 32-bit မွၵ်ႈ 25% ၊ ၸၢင်ႈလဵၼ်ႈဝီႇတီႇဢူဝ်ႇ Full HD ၼႂ်း Youtube လႆႈလူၺ်ႈ ဢမ်ႇမီးလွင်ႈၶွင်ႉၶမ်၊ တူဝ် လိၵ်ႈလႄႈၶႅပ်းႁၢင်ႈၼႂ်းဝႅပ်ႉ တေတူၺ်းၸႅင်ႈလႅင်း လႄႈ ႁၢင်ႈလီလိူဝ်ၵဝ်ႇ၊ လႄႈ ၶေႃႈမုၼ်းဢၼ်တေႃႉသူင်ႇၼိူဝ် ဝႅပ်ႉၼၼ်ႉ တေမီးလွင်ႈႁူမ်ႇလူမ်ႈလိူဝ်ၵဝ်ႇ ၼႆယူႇ။

ပဵၼ်ႁိုဝ်ၵေႃႈယဝ်ႉ တႃႇတေလူင်း Chrome 64-bit ၼႆႉ ၶွမ်းၽူႈဢၢၼ်ႇႁဝ်းၶဝ်တေလႆႈမီး Windows 7 / 8 ဢမ်ႇ ၼၼ် Linux လႄႈ OSX (ဢမ်ႇပႃး Windows XP)။ လႄႈ သင်ၶႂ်ႈၸၢမ်းသႂ်ႇလူင်းလဵၼ်ႈတူၺ်းၼႂ်းၶွမ်းၼႆ ၵႂႃႇ တၢဝ်ႊလူတ်ႊပူဝ်ႊၵႅမ်ႊလႆႈ တီႈၼႆႈ ၼႆယူႇ။