ၽွၼ်းၸႃႉၶွင် ၶႆႇလိပ်း

မိူဝ်ႈပူၼ်ႉမႃးယၢမ်ႈဢွၵ်ႇပၼ်ၽွၼ်းလီၶႆႇယဝ်ႉ ၵမ်းၼႆႉႁဝ်းၶိုၼ်းမႃးႁူႉၸၵ်းၽွၼ်းၸႃႉၶႆႇလိပ်းၽွင်ႈ။ ၵူၼ်းၸိူဝ်း ဝူၼ်ႉဝႃႈ ၵိၼ်ၶႆႇလိပ်းယဝ်ႉ တေႁဵတ်းႁႂ်ႈတူဝ်ၶိင်းပၢႆးယူႇလီႁဝ်း ၶႅင်ႁႅင်းလိူဝ်ၶႆႇသုၵ်း ဢၼ်ဝႃႈ ၼၼ်ႉပဵၼ်လွင်ႈဢၼ် ၶဝ်ႈၸႂ်ၽိတ်းတႄႉတႄႉ ယွၼ်ႉဝႃႈမီးလွင်ႈၶူၼ်ႉၶႂႃႉ ပၢႆးယူႇလီၶွင် ၵူၼ်း ၵိၼ်ၶႆႇလိပ်းမႃး။
ၽွၼ်းၸႃႉဢၼ်တေမႃးၸွမ်းၶႆႇလိပ်းၼၼ်ႉ  မၼ်းတေမီးသၢၼ်ႊဢၼ်ၼိုင်ႈယူႇၼႂ်းၼမ်ႉၵိူမ်ႈၶႆႇ(ၶႆႇၶၢဝ်) ၼၼ်ႉ ပေႃးလႆႈၵိၼ်ၶႆႇလိပ်းၼမ်ၼမ်သေႁဵတ်းႁႂ်ႈ သၢၼ်ႊဢၼ်ၼၼ်ႉ ၶၢင်ႉဝႆႉၼႂ်းတူဝ်ၵူၼ်းႁဝ်း ၼမ်ပေႃးၼႆၸိုင် သၢၼ်ႊ ဢၼ်ၼၼ်ႉ တေႁဵတ်းႁႂ်ႈတူဝ်ၵူၼ်းႁဝ်း၊ ၽၢႆႇၼႂ်းတူဝ်ၵူၼ်းႁဝ်း ဢမ်ႇယွမ်း ႁပ်ႉ ဝီႊတႃႊမိၼ်ႊ Vitamin B1  လႆႈ။

လိူဝ်ၼၼ်ႉ သင်ဝႃႈၵိၼ်ၶႆႇလိပ်းၸိုင်  သင်ၸိူဝ်ႉဝႃႈၵႆႇတူဝ်ဢၼ်ႁဝ်းၵိၼ်ၶႆႇလိပ်းမၼ်းၼၼ်ႉ ပဵၼ်တၢင်းပဵၼ်ဝႆႉၼႆ ၸိုင် တေႁဵတ်းႁႂ်ႈႁဝ်းၸပ်းတၢင်းပဵၼ်မၼ်းလႆႈငၢႆႈ။ ဢိင်ၼူဝ်လွင်ႈၼႆႉသေ ၶႂ်ႈယွၼ်းၾၢၵ်ႇထိုင်ၽူႈလူဢၢၼ်ႇႁဝ်း ၶဝ်လႄႈၵေႃႉဢၼ်မၵ်ႉၶႆႇလိပ်းသေဝူၼ်ႉဝႃႈ ၶႆႇလိပ်းၼၼ်ႉ ႁဵတ်းႁႂ်ႈမီးႁႅင်းလိူဝ်ၶႆႇသုၵ်းၸိူဝ်းၼၼ်ႉယူႇပိၼ်ႇပၢႆး ဝူၼ်ႉ ၼၼ်ႉလႆႈယဝ်ႉၶႃႈ။

ၼင်ႇႁိုဝ်ပေႃးတေလီတေႃႇ ပၢႆးယူႇလီႁဝ်းၼၼ်ႉ ႁႂ်ႈၵိၼ်ၶႆႇသုၵ်းသုၵ်း  ဢမ်ႇၸႂ်ႈဝႃႈသုၵ်းၶိုင်ႈလိပ်းၶိုင်ႈဢမ်ႇၼၼ် ၵိၼ်ဢၼ်လိပ်းမၼ်း  မိူၼ်ၼင်ႇၶႆႇၶူဝ်ႈၼၼ်ႉ ဢမ်ႇထုၵ်ႇလီၶူဝ်ႈႁႂ်ႈ မၼ်းသုၵ်းၾၢႆႇလဵဝ်ၵူၺ်း ထုၵ်ႇလီၶူဝ်ႈႁႂ်ႈမၼ်း သုၵ်းတင်းသွင်ႇၾၢႆႇ  တႃႇပၢႆးယူႇလီႁဝ်းၶႃႈ။