ၶႆႇၵႆႇ ပၼ်ၽွၼ်းလီသင် ?

ပီႈၼွင်ႉတႆးၸႂ်ႉတိုဝ်းၶႆႇၵႆႇပၼ်ၽွၼ်းလီ တႃႇၽၵ်းၵပ်းၶဝ်ႈလႆႈလၢႆမီႇ လၢႆဢၼ် မိူၼ်ၼင်ႇ ဢဝ်တူမ်ႈ၊ ၶူဝ်ႈ၊ ဢုပ်ႉ၊ ၶူဝ်ႈလေႃးၽၵ်းတၢင်ႇဢၼ် ၸဵမ်ၸိူဝ်းၼႆႉ။ လိူဝ်သေၼႆႉၸွမ်းၼင်ႇလွင်ႈယုမ်ႇယမ်တႆးမိူဝ်ႈၵွၼ်ႇ ၶႆႇၵႆႇၼႆႉၵူၼ်း ထဝ်ႈ ၶဝ်ဢဝ်ႁွင်ႉၾၼ်၊ ပေႃးတူၵ်းၸႂ် ဢမ်ႇၼၼ် ၵူၼ်းပဵၼ်ၼၢဝ်လုၵ်ႉၸိူဝ်းၼႆႉ ပဵၼ်ၶိူင်ႈမိုဝ်းတႃႇႁွင်ႉၾၼ်ယူႇ ယဝ်ႉ။

လိူဝ်သေၽွၼ်းလီမိူၼ်ၽၢႆႇၼိူဝ်ၼႆႉယဝ်ႉ သင်ဝႃႈ ၺႃးၼမ်ႉမႆႈလူၵ်ႈတိၼ် လူၵ်ႈမိုဝ်းၸိုင် ၶႆႇၵႆႇ ပဵၼ်ယႃႈယႃၼမ်ႉ မႆႈလူၵ်ႈ ထႅင်ႈလူးၵွၼ်ႇ။

လွၵ်းလၢႆးယႃမၼ်းတႄႉ သင်ဝႃႈ ၺႃးၼမ်ႉမႆႈလူၵ်ႈၸိုင် ဢဝ်ၼမ်ႉၵိူမ်ႈၶႆႇ(ၶႆႇၶၢဝ်ဢမ်ႇပႃးမွၼ်းမၼ်း) ၼၼ်ႉတႃး ပၼ်တီႈ ႁွႆးၼမ်ႉမႆႈလူၵ်ႈယဝ်ႉပွႆႇဝႆႉတေႃႇပေႃးႁႅင်ႈ၊ ဝၢႆးၼၼ်ႉ ဢဝ်ၼမ်ႉလၢင်ႉဢွၵ်ႇၵမ်းလွႆးလွႆး ၸိုင် တေၶႅၼ်းသေ တေဢမ်ႇႁၼ်ႁွႆးၼမ်ႉမႆႈလူၵ်ႈၼၼ်ႉၼႆယဝ်ႉ။

ၵူၺ်းၵႃႈ ၽွင်းၼမ်ႉမႆႈလူၵ်ႈၺႃးမႂ်ႇမႂ်ႇၼၼ်ႉ ႁၢမ်ႈဢဝ်ၼမ်ႉၵတ်းတိူဝ်ႉလႄႈ ဢဝ်မိုဝ်းထူၺႃးယွၼ်ႉမၼ်းတေ ႁဵတ်း ႁႂ်ႈၼင်လွၵ်ႈဢမ်ႇၼၼ် ၸဵပ်းယဵၼ်းလႆႈ။

ၶႆႇမီး ပူဝ်ႊရူဝ်ႊတိၼ်ႊ သုင် ၶႆႇၼိုင်ႈလုၵ်ႈမီး ပူဝ်ႊရူဝ်ႊတိၼ်ႊ (Protein)7 ၵလမ်ႊ။ လိူဝ်သေၼၼ်ႉယဝ်ႉ ၼႂ်းၶႆႇမီး ထၢတ်ႈၵိူဝ် (minerals) လၢႆလၢႆမဵဝ်း လႄႈ ဝီႊတႃႊမိၼ်ႊ တီႊ( Vitamin D) တင်း ဝီႊတႃႊမိၼ်ႊ ပီႊ2 (Vitamin B2)။ ၶႆႇၵႆႇ ဢၼ်ႁႃလႆႈငၢႆႈငၢႆႈသေၵူၼ်းႁဝ်း ဢဝ်ႁဵတ်းၽၵ်းၸူးငၢႆႈၵိၼ်ငၢႆႈၵၼ်ယူႇ ၼၼ်ႉၼွၵ်ႈလိူဝ်သေပဵၼ်ၽၵ်း ၵပ်း ၶဝ်ႈယဝ်ႉ ယင်းပဵၼ်ယႃႈယႃ လႆႈထႅင်ႈလူးၵွၼ်ႇ။ ၶႆႇၵႆႇ ပဵၼ်တၢင်းၵိၼ်ဢၼ်ႁဵတ်းငၢႆႈ ၵိၼ်ငၢႆႈလႄႈ မီးၽွၼ်း လီ တေႃႇၵူၼ်းႁဝ်းတေႉတေႉ။