ၵူၼ်ႉၶိုၼ်ႈၸွမ်းၵွင်ႇၵေႃႈ၊ ၶေႃႈမိုဝ်းဢမ်ႇ ၼၼ်လၢမ်းပဵၼ်ႁူဝ်ၶႆႈ ပဵၼ်ယွၼ်ႉတၢင်း ပဵၼ်သင်?

ၵူၼ်ႉၶိုၼ်ႈၸွမ်းၵွင်ႇၵေႃႈ၊ ၶေႃႈမိုဝ်းဢမ်ႇၼၼ်လၢမ်းပဵၼ်ႁူဝ်ၶႆႈ၊ တၢင်းပဵၼ်ဢၼ်ၼႆႉၵမ်ႉၼမ် ပဵၼ်ၼႂ်းၵူၼ်း ၸိူဝ်းႁဵတ်းၵၢၼ်ယူႇၼႂ်းလုမ်း လႄႈၼင်ႈၼႃႈ ၶွမ်ႊပိဝ်ႊတိူဝ်ႊလူၼ်ႉလိူဝ်ၼၼ်ႉယဝ်ႉ ယွၼ်ႉလႆႈၸႂ်ႉၶၢဝ်းယၢမ်း ယူႇၼႃႈၶွမ်ႊပိဝ်ႊတိူဝ်ႊၼမ်လႄႈ ၸႂ်ႉဢဵၼ်ႁႅင်းမိုဝ်း ပေႃႉလိၵ်ႈၼမ်သေ ႁဵတ်းႁႂ်ႈၵၢမ်ႈၼိူဝ်ႉမၢၵ်ႇႁႅင်းလႆႈဢွၵ်ႇ ႁႅင်းၼမ်လႄႈ ၸင်ႇၵူၼ်ႉၶိုၼ်ႈသေလၢမ်းၵႂႃႇထိုင်ႁူဝ်ၶႆႈ။
မၢင်ၸိူဝ်းၵေႃႈ ႁဵတ်းႁႂ်ႈပဵၼ်တၢင်းပဵၼ်ၶႂ်ႈဢေႃႉၶႂ်ႈႁၢၵ်ႈပႃး၊  တၢင်းပဵၼ်ၵူၼ်ႉၶိုၼ်ႈၸွမ်းဢၼ် ၵူၼ်းႁဵတ်းၵၢၼ် ၼႂ်း လုမ်းၶဝ်ပဵၼ်ၵၼ်ယူႇ ၼၼ်ႉယႃယၢပ်ႇလိူဝ်ပိူၼ်ႈဝႃႈၼႆ။ ၵွပ်ႈဝႃႈပေႃးယႃႁၢႆယဝ်ႉ ၵူၼ်းပဵၼ်ၵေႃႈၶိုၼ်းၵႂႃႇ ႁဵတ်းၵၢၼ်မိူၼ်ၵဝ်ႇၵူၺ်း။ တႃႇတေယႃႁၢႆၼၼ်ႉယၢပ်ႇဝႆႉ။

ယႃႁၢႆလႆႈပွၵ်ႈလႂ်ပွၵ်ႈၼၼ်ႉၵူၺ်း၊ ပေႃးၶႂ်ႈႁႂ်ႈႁၢႆၶၢဝ်းယၢဝ်းၵေႃႈ ဢမ်ႇထုၵ်ႇလီႁဵတ်းၵၢၼ်ၸွမ်း ၶွမ်ႊပိဝ်ႊတိူဝ်ႊ ၼၼ်ႉၵူၺ်းယဝ်ႉ။ ယႃႁၢႆယဝ်ႉ ၶိုၼ်းၼင်ႈႁဵတ်းၵၢၼ်မိူၼ်ၵဝ်ႇ မၼ်းၵေႃႈတေ ပဵၼ်မိူၼ်ၼၼ်ၶိုၼ်းၵူၺ်း။