တၢင်းပဵၼ်ဢွၵ်းဢေႃၶၢတ်ႇလိူတ်ႈ

မၢႆထိုင်ဝႃႈ လိူတ်ႈတႃႇတေလႆၶဝ်ႈၵႂႃႇလဵင်ႉၼႂ်းဢွၵ်းဢေႃၵူၼ်းႁဝ်းၼၼ်ႉမၼ်းဢမ်ႇပေႃး၊  ဢွၵ်းဢေႃၵူၼ်းႁဝ်းၼိုင်ႈ ၵေႃႉထုၵ်ႇလီမီးလိူတ်ႈလႆလဵင်ႉ 50  ၸီႊၸီႊ ဢမ်ႇၼၼ် ၵရမ်ႊ တေႃႇ 1 ၼႃးထီး။
ပေႃးဝႃႈလိူတ်ႈလႆဢႄႇၵႂႃႇၼႆၸိုင် ပိူၼ်ႈႁွင်ႉဝႃႈပဵၼ်တၢင်းပဵၼ် ဢွၵ်းဢေႃၶၢတ်ႇလိူတ်ႈ ( Transient Ischemic Attack) မၢႆထိုင်ဝႃႈ လိူတ်ႈလႆလဵင်ႉဢွၵ်းဢေႃဢမ်ႇပေႃး၊ ထုၵ်ႇလီၵႂႃႇထူပ်းမေႃယႃၶဝ် ၵူတ်ႇ ၸႅတ်ႈယူတ်းယႃပၼ် ၼင်ႇႁိုဝ်တေဢမ်ႇတၼ်းပဵၼ် တၢင်းပဵၼ် တၢႆၽၢၵ်ႇ။

တေႁဵတ်းႁိုဝ်ႁူႉ ငဝ်းလၢႆးတၢင်းပဵၼ်ဝႃႈ လိူတ်ႈလႆလဵင်ႉဢွၵ်းဢေႃပေႃးဢမ်ႇပေႃး ႁႂ်ႈတူၺ်းငဝ်းလၢႆး ၸဝ်ႈၵဝ်ႇၼင်ႇ ပႃႈတႂ်ႈၼႆႉ။
1 ႁိူဝ်ႉဢူၼ်ႈ ဢမ်ႇမီးႁႅင်းလႄႈၶႅၼ်ဢမ်ႇၼၼ်ၶႃ ၶၢင်ႈလႂ်ၶၢင်ႈၼိုင်ႈ (ၼႃ) ဢမ်ႇႁူႉၼိူဝ်ႉ
2 လၢတ်ႈဢမ်ႇပီႇ၊ လိၼ်ႇၶႅင်ဢမ်ႇၼၼ်ထွမ်ႇပိူၼ်ႈလၢတ်ႈဢမ်ႇႁူႉလွင်ႈ ဢမ်ႇပွင်ႇလႅင်း
3 တႃမူဝ်းလႄႈတူၺ်းႁၼ်ႁၢင်ႈသွၼ်ႉ မိူၼ်ၼင်ႇမီးၶႅပ်းႁၢင်ႈလၢႆလၢႆဢၼ်
4 ႁူဝ်ပၼ်ႇႁူဝ်မဝ်း ၸုၵ်းဢမ်ႇမၼ်ႈ

တိုဝ်ႉတၢင်းဢၼ်ႁဵတ်းႁႂ်ႈၵူၼ်းပဵၼ်တၢင်းပဵၼ်ဢၼ်ၼႆႉ
• ႁႅင်းလိူတ်ႈသုင်
• တၢင်းပဵၼ်ယဵဝ်ႈဝၢၼ်လႄႈၶႆမၼ်းၼႂ်းသဵၼ်ႈလိူတ်ႈသုင်
• လုတ်ႇလႅၼ်းယႃႈ
• တၢင်းပဵၼ်ႁူဝ်ၸႂ်
• ဢႃယုယႂ်ႇ (ၵူၼ်းထဝ်ႈ)
လွင်ႈယူတ်းယႃၼၼ်ႉ သင်ၸိူဝ်ႉဝႃႈမီးငဝ်းလၢႆးဢၼ်ဝႃႈမႃးၸိူဝ်းၼၼ်ႉ ႁႂ်ႈၵႂႃႇထူပ်းမေႃၽႂ်းၽႂ်း ပိူဝ်ႈတေလႆႈ ပေႃႉ ထၢတ်ႈမၢၼ်ႇသေၵူတ်ႇၸႅတ်ႈတူၺ်းလွင်ႈပႅၵ်ႇပိူင်ႈၼႂ်းဢွၵ်းဢေႃႁဝ်း။

ၼင်ႇႁိုဝ်တေဢမ်ႇတၼ်းပဵၼ်ႁၢဝ်ႉႁႅင်းၼၼ်ႉ ႁႂ်ႈသႂ်ႇၸႂ်လွင်ႈပၢႆးယူႇလီတူဝ်ၵဝ်ႇယူႇတႃႇသေႇယွၼ်ႉဝႃႈၵၢပ်ႈပၢၼ် မိူဝ်ႈလဵဝ် တၢင်းပဵၼ်လၢၵ်ႇလၢႆးလႄႈပဵၼ်ၸေးမီးၸေးဝႆႉ။