ဢၢပ်ႇၼမ်ႉၵတ်း(ယဵၼ်) ၵႄႈတၢင်းပဵၼ်ၵူၼ်ႉၵူၼ်ႉၶိုၼ်ႈၶိုၼ်ႈလႆႈ

ပေႃးဢဝ်ၶေႃႈၵႂၢမ်းၵူၼ်းမိူဝ်ႈၵွၼ်ႇဝႃႈ ၵူၼ်ႉၵူၼ်ႉၶိုၼ်ႈၶိုၼ်ႈၼႆႉ ပိူၼ်ႈဢမ်ႇလီတိူဝ်ႉၼမ်ႉ ဢၢပ်ႇၼမ်ႉၵမ်ႉတေ ပဵၼ်ၶႆႈၼၢဝ် ဢိူဝ်ႈ။

ၵူၺ်းၵႃႈၼႂ်းၵၢပ်ႈပၢၼ်မိူဝ်ႈလဵဝ်သမ်ႉဝႃႈ ၵူၼ်းလဵၼ်ႈဢဵၼ်ႁႅင်းၶဝ်လႄႉၵၼ်ဢၢပ်ႉၼမ်ႉၵတ်းၵတ်း မွၵ်ႈ 5-7 ၼႃႊထီး ဝၢႆးလဵၼ်ႈဢဵၼ်ႁႅင်းယဝ်ႉ။

ဢွၼ်တၢင်းၼႆႉ ၽူႈၶူၼ်ႉၶႂႃႉတီႈၸၼ်ႉၸွမ် University  Of Ulster လၢတ်ႈဝႃႈ တီႈမိူင်းဢႆႊလႅၼ်ႊၶဝ်လႆႈ ပိုတ်ႇ လၢတ်ႈဝႆႉဝႃႈ  လွင်ႈဢၢပ်ႇၼမ်ႉၵတ်းၵတ်းၼၼ်ႉ ၸွႆႈႁႂ်ႈတၢင်းပဵၼ်ၵူၼ်ႉ ၵူၼ်ႉၶိုၼ်ႈၶိုၼ်ႈၼႂ်းတူဝ်ၶိင်း ၵူၼ်းႁဝ်းႁၢႆလႆႈ ၼႂ်းႁူဝ် 100 ၼိုင်ႈ 20  ပိူဝ်ႊသဵၼ်ႈ။ ၵူၺ်းၵႃႈ လွၵ်းလၢႆးတၢင်ႇဢၼ်ၵေႃႈ ၸွႆႈလႆႈမိူၼ်ၵၼ်မိူၼ် ၼင်ႇ မိပ်ႇၼူတ်ႈ၊ ၸႂ်ႉၽႃႈမတ်ႉဝႆႉလႄႈၵိၼ်ယႃႈယႃ ၵေႃႈပဵၼ်လွၵ်းလၢႆးၸွႆႈႁႂ်ႈႁၢႆ တၢင်းပဵၼ်ဢၼ်ၼႆႉမိူၼ်ၵၼ်။

ဢိင်ၼိူဝ်လွင်ႈၼႆႉသေ တႃႇတေဢၢပ်ႇၼမ်ႉၵတ်းၵတ်း ယႃတၢင်းပဵၼ်ၵူၼ်ႉၵူၼ်ႉၶိုၼ်ႈၶိုၼ်ႈၼၼ်ႉပႆႇမီးၽႂ်ပၼ် တၢင်းႁူႉမၼ်းၸႅင်ႈလႅင်းလႆႈဝႃႈ  ဢၢပ်ႇၼမ်ႉၵတ်းယဝ်ႉပူၼ်ႉတၢင်းပဵၼ်ဢၼ်ၼႆႉလႆႈ။ ၵမ်ႉၼမ်တႄႉတၢင်းပဵၼ် ၵူၼ်ႉၵူၼ်ႉၶိုၼ်ႈၶိုၼ်ႈၼၼ်ႉ တေပဵၼ်ဝၢႆးသေလဵၼ်ႈဢဵၼ်ႁႅင်းယဝ်ႉ မွၵ်ႈ 24  ၸူဝ်ႈမွင်း ဢမ်ႇၼၼ် 48ၸူဝ်ႈ မွင်း။

ၽူႈလဵပ်ႈႁဵၼ်းၶဝ်လႆႈၼႄႉၼမ်းဝႃႈ လွၵ်းလၢႆးယူတ်းယႃတၢင်းပဵၼ်ၵူၼ်ႉၵူၼ်ႉၶိုၼ်ႈၶိုၼ်ႈ ၼၼ်ႉပိူၼ်ႈ ႁွင်ႉဝႃႈ  RICE  ၼၼ်ႉမၢႆထိုင် ၵၢၼ်လိုဝ်ႈႁိူဝ်ႉ( ၵၢမ်ႈၼိူဝ်ႉ) မၢၵ်ႇႁႅင်း  ႁႂ်ႈယုၵ်ႉၶႃဢမ်ႇၼၼ်ၶႅၼ်ၶၢင်ႈဢၼ်ၵူၼ်ႉၵူၼ်ႉ ၶိုၼ်ႈၶိုၼ်ႈယူႇၼၼ်ႉ ဝႆႉသုင်သုင်။ လွၵ်းလၢႆးၼႆႉၵေႃႈၸၢင်ႈၸွႆႈလႆႈယူႇဝႃႈၼႆ။ ၵူၺ်းၵႃႈလႅင်ႇၶၢဝ်ႇ British  Journal Of Sports medicine  ၶဝ်လၢတ်ႈဝႆႉဝႃႈ ၵၢၼ်ယိုတ်ႈမၢၵ်ႇႁႅင်း (ၵၢမ်ႈၼိူဝ်ႉ) ၵွၼ်ႇတေဢွၵ်ႇဢဵၼ် ႁႅင်းၼၼ်ႉ ဢမ်ႇၸွႆႈလႆႈတၢင်းပဵၼ်ၵူၼ်ႉၵူၼ်ႉၶိုၼ်ႈၶိုၼ်ႈ ဢၼ်တေပဵၼ်မႃးဝၢႆးလဵၼ်ႈဢဵၼ်ႁႅင်းၼၼ်ႉသေ ဢိတ်းၼႆ။

ဢိင်ၼိူဝ်လႅင်ႇၶၢဝ်သၢမ်ဢၼ်ၼႆႉသေ တၢင်းႁၼ်ထိုင်ၼႂ်းတၢင်းပဵၼ်ၵူၼ်ႉၵူၼ်ႉၶိုၼ်ႈၶိုၼ်ႈၼၼ်ႉပႆႇမီးၶေႃႈၸႅင်ႈ လႅင်းမၼ်း။  ပေႃးဢဝ်တၢင်းႁၼ်သုၼ်ႇတူဝ်ၶႃႈႁဝ်းဝႃႈတႄႉမၼ်းယူႇတီႈႁဝ်းၶႃႈမေႃသႂ်ႇၸႂ်လုမ်းလႃး တူၺ်းထိုင် တူဝ်ၵဝ်ႇဢွၼ်ႇတၢင်း။ ပေႃးႁဝ်းၶႃႈမေႃလုမ်းလႃးတူဝ်ၵဝ်ႇၸိုင် တၢင်းပဵၼ်သင်သေဢမ်ႇဝႃႈ တႃႇတေၶဝ်ႈမႃးယူႇ ၼႂ်းတူဝ်ႁဝ်းၶႃႈလႆႈၼၼ်ႉ ဢမ်ႇငၢႆႈၶႃႈ။