ၶဝ်ႈၶႄႇၵမ်ႇ ၸွႆႈႁႄႉတၢင်းပဵၼ် ၵႅၼ်ႇသႃႇ

ၶဝ်ႈၶႄႇၵမ်ႇ(ၶဝ်ႈၵၢပ်ႇၵမ်ႇ)ၼၼ်ႉ ၽွၼ်းလီမၼ်းၸွႆႈႁႄႉၵင်ႈတႃႇတေပဵၼ်တၢင်းပဵၼ်ၵႅၼ်ႇသႃႇ။ မၢႆထိုင်တႃႇ တေ ပဵၼ်တၢင်းပဵၼ်ၵႅၼ်ႇသႃႇၼၼ်ႉ မီးတိုဝ်ႉတၢင်းဢႄႇလိူဝ်ၵူၼ်းဢၼ်ဢမ်ႇၵိၼ်ၶဝ်ႈၶႄႇ၊ ၵမ်ႈဢမ်ႇၼၼ် ၵူၼ်းဢၼ်ဢမ်ႇမၵ်ႉၶဝ်ႈၶႄႇၵမ်ႇၼႆႉ။
ၼႂ်းၵူၼ်းဢၼ်မၵ်ႉၵေႃႈတေဝႃႈသီမၼ်းႁၢင်ႈလီၼႃႇ ႁွမ်ၼႃႇ ဢမ်ႇၼၼ်ၼႂ်းၵူၼ်းဢၼ်ဢမ်ႇမၵ်ႉၵေႃႈတေ ၸၢင်ႈဝႃႈ သီမၼ်းလီၵူဝ်လီႁင်ႈၼႃႇၵေႃႈဝႃႈလႆႈ။  ၵူၺ်းၵႃႈၼႂ်းၽၵ်းယိူဝ်ႈၼၢင်းၶဵဝ်လႄႈမၢၵ်ႇမႆႉ မၢၵ်ႇတွၵ်ႇၼၼ်ႉ မၼ်းတိုၼ်းမီးၽွၼ်းလီၶွင်မၼ်းယူႇယဝ်ႉ မိူၼ်ၼင်ႇၶဝ်ႈၶႄႇၵမ်ႇ(ၶဝ်ႈၵၢပ်ႇၵမ်ႇ) ၼႆႉၵေႃႈ ႁဵတ်းႁႂ်ႈၵူၼ်းႁဝ်း မီးတိုဝ်ႉတၢင်းတႃႇတေၵဵၼ်တၢင်းပဵၼ်ၵႅၼ်ႇသႃႇဢႄႇ လႄႈႁႄႉၵင်ႈ တၢင်းပဵၼ်လၢႆလၢႆၸိူဝ်းလႆႈထႅင်ႈယွၼ်ႉဝႃႈ ၼႂ်းၶဝ်ႈၶႄႇၵမ်ႇၼၼ်ႉ မၼ်းမီးဢႅၼ်ႊထူဝ်ႊသၢႆႊ ယႃႊၼိၼ်ႊ  ဢၼ်ၸွႆႈထႅမ်မဵတ်ႉလိူတ်ႈလႅင်၊ ၵုမ်းထိင်းၵိူဝ် ဝၢၼ်လႄႈၸွႆႈလူတ်းယွမ်းၶႆမၼ်းၼင်ႇႁိုဝ်တေဢမ်ႇပဵၼ် ၶႆမၼ်းဢိုတ်းတၼ်လွတ်ႇလိူတ်ႈလႆႈ။ 

ဢႁႃရမၢင်ၸိူဝ်းပေႃးႁဝ်းၶႃႈမေႃၵိၼ်ၵေႃႈမၼ်းၵေႃႈၸၢင်ႈပဵၼ်ၽွၼ်းလီတႃႇပၢႆးယူႇလီမိူဝ်းၼႃႈ။  မေႃၵိၼ်မေႃ ဢဝ်ၵေႃႈလွတ်ႈတၢင်ႈပဵၼ် ပေႃးဢမ်ႇမေႃၵိၼ်ၵေႃႈပဵၼ်ၶဵၼ်တႃႇပၢႆးယူႇလီတူဝ်ႇၵဝ်ႇ ၼၼ်ႉယဝ်ႉ။