ဝၢႆးလူႇလိူတ်ႈယဝ်ႉ ပီးၶိုၼ်ႈၼႆ ၸႂ်ႈဢမ်ႇၸႂ်ႈ?

လူႇလိူတ်ႈဢၼ်ဝႃႈၼၼ်ႉ မၢႆထိုင်ဝႃႈဢဝ်လိူတ်ႈၼႂ်းတူဝ်ႁဝ်းဢွၵ်ႇမွၵ်ႈ 350-450 ၸီႊၸီႊ ဢမ်ႇၼၼ် ပေႃး ၼပ်ႉသွၼ်ႇပဵၼ်ပုၼ်ႈသမ်ႉ 8% ၶွင်ၼမ်ႉၼၵ်းတူဝ်ၵူၼ်းၼိုင်ႈၵေႃႉ၊ ဝၢႆးလူႇလိူတ်ႈယဝ်ႉ ၶႆလုပ်ႇ ၵေႃႈတေ သူၼ်းႁႂ်ႈမဵတ်ႉလိူတ်ႈလႅင်ဢၼ်မႂ်ႇၶိုၼ်ႈမႃးထႅင်ႈ။

ၵူၺ်းၵႃႈ လူႇလိူတ်ႈလႄႈပီးဢၼ်ဝႃႈၼၼ်ႉမၼ်းဢမ်ႇၵဵဝ်ႇၵၼ်ၶႃႈ၊ ငဝ်းလၢႆးၵူၼ်းပီးၼၼ်ႉ ဢမ်ႇလႆႈပဵၼ် ယွၼ်ႉႁဝ်းလူႇလိူတ်ႈ။ မၢင်ၸိူဝ်းဢၼ်ဝူၼ်ႉဝႃႈတူဝ်ၵဝ်ႇလူႇလိူတ်ႈသေပီးဢၼ်ဝႃႈၼၼ်ႉ ၵွပ်ႈဝႃႈဝၢႆးသေလူႇ လိူတ်ႈယဝ်ႉ တူဝ်ၶိင်းပၢႆးယူႇလီတူဝ်ၵဝ်ႇတေဢူၼ်ႈဢွၼ်ႇသေ ၼႅတ်ႈၵိၼ်ၶွင်ဝၢၼ်ၶွင်ၸဵမ်း ၼမ်ႁႅင်းလႄႈပီးၵႂႃႇၵူၺ်း။

ပေႃးတေႁႂ်ႈလီၸိုင်ဝၢႆးသေ လူႇလိူတ်ႈယဝ်ႉႁႂ်ႈၼွၼ်းလိုဝ်ႈႁိူဝ်ႉပဵင်းပေႃး၊ ၵိၼ်ၶဝ်ႈၽၵ်းတၢင်းၵိၼ်ဢၼ်မီး ထၢတ်ႈလဵၵ်ႊလႄႈၵိၼ်ၼမ်ႉၼမ်ၼမ် ပိူဝ်ႈတႃႇႁႂ်ႈတူဝ်ႁဝ်းၶိုၼ်းသၢင်ႈမဵတ်ႉလိူတ်ႈလႅင်မႂ်ႇ ထႅင်ႈၼၼ်ႉယဝ်ႉ။