မၢၵ်ႇမင်းၵုတ်ႈၸွႆႈၸၼ်ၶၢဝ်းယၢမ်းတၢင်းပဵၼ် ၶႅၼ်ႊသိူဝ်ႊ

မၢၵ်ႇမင်းၵုတ်ႈမီးသၢၼ်ႊဢၼ်ၸၢင်ႈၸွႆႈၸၼ်ၶၢဝ်းယၢမ်း ႁႂ်ႈဢႃႇယုၵူၼ်းပဵၼ်မရဵင်ႊ(ၶႅၼ်ႊသိူဝ်ႊ) ၶၼ်ႉလိုၼ်း သုတ်း ယိုၼ်းယၢဝ်းၵႂႃႇလိူဝ်ၵဝ်ႇလႆႈ။

 

ၽူႈၶူၼ်ႉၶႂႃႉၶဝ်ႁႃႁၼ်သၢၼ်ႊဢၼ်ၼိုင်ႈ ဢၼ်ယူႇၼႂ်းမၢၵ်ႇမင်းၵုတ်ႈတင်းလုၵ်ႈမီးသၢၼ်ႊဢၼ်ႁေႉၵင်ႈမႅင်းမ ရဵင်ႊ ဢမ်ႇၽႄႈတိုၼ်းလႆႈဝႃႈၼႆ။

ၼႂ်းၵုမ်ႇၵူၼ်းပဵၼ်တၢင်းပဵၼ်မရဵင်ႊၶၼ်ႉလိုၼ်းသုတ်း ဢၼ်ဢမ်ႇမီးလွင်ႈတုမ်ႉယွၼ်ႈတေႃႇလွင်ႈယူတ်းယႃသင် လႆႈယဝ်ႉၼၼ်ႉ မၢၵ်ႇမင်းၵုတ်ႈၸၢင်ႈၸွႆႈႁႂ်ႈၵူၼ်းပဵၼ်မီးတူၼ်ႈၸႂ်ၸိုၼ်ႈၸၢင်ႇၶိုၼ်ႈမႃးသေတေႃႇသူႈတၢင်းပဵၼ် ဢၼ်ၼႆႉလႆႈၶိုၼ်းၵူၺ်းဢမ်ႇၵႃး ၸွႆႈၸၼ်ၶၢဝ်းယၢမ်း ႁႂ်ႈၵူၼ်းပဵၼ် မီးၶၢဝ်းယၢမ်းယူႇၸွမ်း လုၵ်ႈလၢင်း လႄႈၼႃႈ ႁိူၼ်း၊ ႁဵတ်းသၢင်ႈၸွမ်းတၢင်းၾၼ်တူဝ်ၵဝ်ႇလႆႈထႅင်ႈ ၼႆယဝ်ႉ။

 

လိူဝ်သေၼၼ်ႉယဝ်ႉ မၢၵ်ႇမင်းၵုတ်ႈ ယင်းမီးသၢၼ်ႊၸွႆႈႁဵတ်းဢွၵ်ႇမဵတ်ႉလိူတ်ႈၶၢဝ် ဢၼ်ၸွႆႈႁေႉၵင်ႈ မႅင်းမရဵင်ႊ လႆႈထႅင်ႈၼႆ။

ၸိူင်ႉႁိုဝ်ၵေႃႈယဝ်ႉၽူႈၶူၼ်ႉၶႂႃႉၶဝ်လၢတ်ႈၼႄဝႃႈ မၢၵ်ႇမင်းၵုတ်ႈဢမ်ႇမီးၼမ်ႉၵတ်ႉတေယူတ်းယႃတၢင်းပဵၼ်မရဵင်ႊ ႁႂ်ႈႁၢႆၶၢတ်ႇလႆႈ၊ မၼ်းၸၢင်ႈၸွႆႈၸၼ်ၶၢဝ်းယၢမ်းႁႂ်ႈၵူၼ်းပဵၼ်သိုပ်ႇမီးဢႃႇယုယိုၼ်းလႆႈထႅင်ႈဢိတ်းၼိုင်ႈၼၼ်ႉ ၵူၺ်း ဝႃႈၼႆ။