ၽၵ်းဢၼ်မီးသၢၼ်ႊၶေႊမီႊ တူၵ်းၶၢင်ႉၼမ်

သၢၼ်ႊၶေႊမီႊဢၼ်တူၵ်းၶၢင်ႉဝႆႉၼိူဝ်ၽၵ်း၊ မၢၵ်ႇမႆႉၸိူဝ်းၼၼ်ႉဢၼ်လႂ်မီးသၢၼ်ႊၶေႊမီႊၶၢင်ႉဝႆႉ ၼမ်လိူဝ်ပိူၼ်ႈ။

ၵၢၼ်ၽုၵ်ႇသွမ်ႈဢမ်ႇဝႃႈ ၽၵ်းဢၼ်ၵိၼ်ယွတ်ႈၵိၼ်ႁူဝ်မၼ်းၸဵမ်ၸိူဝ်းၼႆႉ ၵူၼ်းၽုၵ်ႇသွမ်ႈၶဝ်ႁူႉတိုၼ်းၶႂ်ႈႁႂ်ႈ မၼ်း ၸဵဝ်းယႂ်ႇၸဵဝ်းလႆႈၶၢႆလႄႈႁဵတ်းႁႂ်ႈလႆႈသႂ်ႇယႃၶႃႈမႅင်း၊ ယႃႈပၼ်ႁႅင်းႁႂ်ႈၸဵဝ်းယႂ်ႇၸိူဝ်းၼႆႉၼမ်လိူဝ်ၸင်ႇလႆႈၶၢႆ လီၸင်ႇလႆႈၼမ်ႉမႅတ်ႈမၼ်းၼမ်။

ယွၼ်ႉၼၼ်ၸုမ်းၶူၼ်ႉၶႂႃႉ ႁႃလွင်ႈလွတ်ႈၽေးၼႂ်းတၢင်းၵိၼ်တီႈမိူင်းထႆး လႆႈလူင်းပိုၼ်ႉတီႈလၢႆလၢႆတီႈသေဢဝ် ၽၵ်းဢၼ်ဝၢင်းၶၢႆၸွမ်းၵၢတ်ႇ ၸွမ်းႁၢင်ႈမႃးၸႅတ်ႈထတ်းတူၺ်းဝႃႈ ၸွင်ႇမီးသၢၼ်ႊၶေႊမီႊတူၵ်းၶၢင်ႉဝႆႉ။


လိုၼ်းသုတ်း ၸုမ်းၶူၼ်ႉၶႂႃႉၶဝ်ႁူပ်ႉထူပ်းလႆႈၶေႃႈတွပ်ႇမၼ်းဢွၵ်ႇမႃးဝႃႈ မီးၽၵ်းလၢႆလၢႆမဵဝ်းမိူၼ်ၼင်ႇၽၵ်းၶၼႃႉ၊ ၽၵ်းမီႇလႅင်၊ ၽၵ်းၵၢတ်ႇမွၵ်ႇ၊ မၢၵ်ႇႁႅင်ႈၶူင်း၊ ၽိတ်ႉထႆး ၸိူဝ်းၼႆႉမီး သၢၼ်ႊၶေႊမီႊ တူၵ်းၶၢင်ႉဝႆႉၼမ်လိူဝ်ပိူၼ်ႈ ၼႆ။
 
ယွၼ်ႉၼၼ် ၶႂ်ႈယွၼ်းၾၢင်ႉထိုင်လွင်ႈယူႇ လွင်ႈၵိၼ် ပီႈၼွင်ႉတႆး ႁႂ်ႈၾၢင်ႉၵိၼ်ၽၵ်း။ သင်ဝႃႈပဵၼ်လႆႈႁႂ်ႈငိူင်ႉဝႄႈ ၽၵ်းဢၼ်မီးၼႂ်းသဵၼ်ႈမၢႆဢၼ် လၢတ်ႈမႃးၸိူဝ်းၼႆႉ ယိုင်ႈၶႅၼ်းတေလီ။ သင်ဢမ်ႇဝႄႈလွတ်ႈလႆႈလႃးလႃးၸိုင် ၵွၼ်ႇတေၵိၼ်ၽၵ်းၸိူဝ်းၼႆႉႁႂ်ႈၸႄႈၼမ်ႉၵိူဝ်ဝႆႉၵႅပ်ႉၼိုင်ႈယဝ်ႉ ၸင်ႇဢဝ်ၵႂႃႇႁုင်တူမ်ႈ ၼႆႉတေလွတ်ႈၽေးလိူဝ် ယူႇယဝ်ႉ။