လၢႆးႁဵတ်းႁႂ်ႈ ၶိူဝ်ႊသိူဝ်ႊ (cursor) ၼႃ

ၶိူဝ်ႊသိူဝ်ႊ ဢမ်ႇၼၼ် တူဝ်ၽႅပ်ႉႁိူဝ်ႈၽႅပ်ႉႁိူဝ်ႈဢၼ်ႁဝ်းႁၼ်မိူဝ်ႈပေႃႉလိၵ်ႈၼၼ်ႉ မၢင်ပွၵ်ႈ ႁဵတ်းႁႂ်ႈမီးလွၵ်ႈယၢပ်ႇၽိုတ်ႇၼႂ်းၵၢၼ်ႁႃမၼ်း ယွၼ်ႉဝႃႈမၼ်းလဵၵ်ႉလႄႈၽႅပ်ႉၼၼ်ႉယူႇ။ ၵူၺ်းတီႈတေႉမၼ်း ႁဝ်းၸၢင်ႈႁဵတ်းႁႂ်ႈ ၶိူဝ်ႊသိူဝ်ႊ ၼႃမႃးလိူဝ်ၵဝ်ႇၸွမ်းၼင်ႇၶၵ်ႉတွၼ်ႈပႃႈတႂ်ႈၼႆႉ-

1) ပိုတ်ႇပူဝ်ႊၵႅမ်ႊ Ease of Access Center လူၺ်ႈၵၢၼ်တဵၵ်း Windows + W ၼိူဝ်ၶီႊပွတ်ႊသေ တႅမ်ႈသႂ်ႇ ၼႂ်းလွၵ်းတဝ်ႉႁႃဝႃႈ Ease of Access Center ယဝ်ႉၶလိၵ်ႉပိုတ်ႇပူဝ်ႊၵႅမ်ႊ။

2) လိူၵ်ႈ Make the computer easier to see

3) လၢၵ်ႈမၢဝ်ႊလူင်းၵႂႃႇတီႈ Make things on  the screen easier to see ယဝ်ႉၼႂ်းလွၵ်းဢၼ်ၸိုဝ်ႈ Set the thickness of the blinking cursor: ၼၼ်ႉ ၶလိၵ်ႉလိူၵ်ႈတၢင်းၼႃၶိူဝ်ႊသိူဝ်ႊ။

4) တဵၵ်း OK ၵူၺ်းၵေႃႈ ပေႃးၽူႈဢၢၼ်ႇၶၢဝ်ပိုဝ်ႇပူဝ်ႊၵႅမ်ႊပေႃႉလိၵ်ႈမႃးဢၼ်ၼိုင်ႈၼႆၸိုင် တေလႆႈႁၼ်ဝႃႈၶိူဝ်ႊ သိူဝ်ႊၼၼ်ႉၼႃမႃးလိူဝ်ၵဝ်ႇၼႆယဝ်ႉ။

သင်ၶိုၼ်းၶႂ်ႈလၢႆႈၶိူဝ်ႊသိူဝ်ႊၵႂႃႇပဵၼ်မိူၼ်ၵဝ်ႇၼႆၸိုင် ၶိုၼ်းၵႂႃႇၸွမ်းၶၵ်ႉတွၼ်ႈပႃႈၼိူဝ်လႄႈ ၼႂ်းၶၵ်ႉ တွၼ်ႈ ထိ 3 ၼၼ်ႉလိူၵ်ႈပဵၼ် 1 ၼႆယဝ်ႉ။