ၸတ်းၵၢၼ် Bookmark ၶွင် Chrome လႄႈ Firefox

ယုမ်ႇယမ်ဝႃႈၽူႈဢၢၼ်ႇလၢႆၵေႃႉၵႆႉတွင်းၵိုမ်းၸိုဝ်ႈဝႅပ်ႉသႆႉ ဢၼ်ၸဝ်ႈၵဝ်ႇၵဵၵ်ႈ ဢမ်ႇၼၼ် ဢၼ် လမ်ႇလွင်ႈ ၼႂ်းပုၵ်ႉမၢၵ်ႉ (Bookmark) တႃႇႁွင်ႉၸႂ်ႉဝၼ်းလင်ၵၼ်ယူႇ။ ၵူၺ်းမၢင်ပွၵ်ႈမၢင်လႂ် သင်ႁဝ်း လူင်း OS တူဝ်မႂ်ႇဢမ်ႇၼၼ် ၶိုၼ်းလူင်း Browser တူဝ်မႂ်ႇၼႆ ပုၵ်ႉမၢၵ်ႉၸိူဝ်းဢၼ်သိမ်းမႃး ၶၢဝ်းႁိုင် ၸိူဝ်းၼႆႉ ၸၢင်ႈမွတ်ႇႁၢႆၵႂႃႇလူၺ်ႈဢမ်ႇလႆႈတင်ႈၸႂ်ၼႆယူႇ။

ဝၼ်းၼႆႉ ႁဝ်းၶႃႈမႃးတူၺ်းလၢႆးၵဵပ်းသိမ်းပုၵ်ႉမၢၵ်ႉၼႂ်းၶွမ်း လႄႈ လၢႆးၶိုၼ်းဢဝ်ၶဝ်ႈ ၼႂ်း Browser တူဝ် မႂ်ႇၸွမ်းၼင်ႇၶၵ်ႉတွၼ်ႈပႃႈတႂ်ႈၼႆႉ-
လၢႆးၵဵပ်းသိမ်း bookmark Chrome လူင်းၼႂ်းၶွမ်း

1. ၵႂႃႇတီႈဢၢႆႇၶွၼ်ႇ Customize and Control

2. ၶလိၵ်ႉ Bookmarks ယဝ်ႉလိူၵ်ႈ Bookmark Manager

3. တေႁၼ်ထႅပ်ႇမႂ်ႇပေႃႇမႃးသေ ၶလိၵ်ႉတီႈ Organize ယဝ်ႉလိူၵ်ႈ Export bookmarks to HTML file...

4. ဝႆးၼႆႉတေႁၼ်ၼႃႈတၢင်ႇဢၼ်ၼိုင်ႈပေႃႇမႃးသေ ႁႂ်ႈၵဵပ်းသိမ်းၾႆႇပုၵ်ႉမၢၵ်ႉ (HTML) ၼႆႉဝႆႉၼႂ်းၶွမ်းၸဝ်ႈၵဝ်ႇ

လၢႆးဢဝ်ပုၵ်ႉမၢၵ်ႉၶဝ်ႈ Chrome

1. ၵႂႃႇတီႈဢၢႆႇၶွၼ်ႇ Customize and Control

2. ၶလိၵ်ႉ Bookmarks ယဝ်ႉလိူၵ်ႈ Bookmark Manager

3. တေႁၼ်ထႅပ်ႇမႂ်ႇပေႃႇမႃးသေ ၶလိၵ်ႉတီႈ Organize ယဝ်ႉလိူၵ်ႈ Import bookmarks to HTML file...

4. လိူၵ်ႈၾႆႇပုၵ်ႉမၢၵ်ႉ (HTML) ဢၼ်လႆႈၵဵပ်းသိမ်းၼႂ်းၶွမ်းယဝ်ႉတဵၵ်း Open

လၢႆးၵဵပ်းသိမ်းပုၵ်ႉမၢၵ်ႉ Firefox လူင်းၼႂ်းၶွမ်း

1. ၵႂႃႇတီႈ Bookmarks မေႇၼူး (သင်ဢမ်ႇႁၼ်ၼႆ ၶလိၵ်ႉၶႂႃမိုဝ်းႁိမ်းထႅပ်ႇယဝ်ႉလိူၵ်ႈ Menu)

2. လိူၵ်ႈ Show All Bookmarks

3. တေႁၼ်ၼႃႈတၢင်ႇဢၼ်ၼိုင်ႈပေႃႇမႃးသေ ႁႂ်ႈၶလိၵ်ႉတီႈ Import and Backup

4. လိူၵ်ႈ Export bookmarks to HTML

5. ဝႆးၼႆႉတေႁၼ်ၼႃႈတၢင်ႇဢၼ်ၼိုင်ႈပေႃႇမႃးသေ ႁႂ်ႈၵဵပ်းသိမ်းၾႆႇပုၵ်ႉမၢၵ်ႉ (HTML) ၼႆႉဝႆႉၼႂ်းၶွမ်းၸဝ်ႈၵဝ်ႇ

လၢႆးဢဝ်ပုၵ်ႉမၢၵ်ႉၶဝ်ႈ Firefox

1. ၵႂႃႇတီႈ Bookmarks မေႇၼူး

2. လိူၵ်ႈ Show All Bookmarks

3. တေႁၼ်ၼႃႈတၢင်ႇဢၼ်ၼိုင်ႈပေႃႇမႃးသေ ႁႂ်ႈၶလိၵ်ႉတီႈ Import and Backup

4. လိူၵ်ႈ Import bookmarks to HTML

5. လိူၵ်ႈၾႆႇပုၵ်ႉမၢၵ်ႉ (HTML) ဢၼ်လႆႈၵဵပ်းသိမ်းၼႂ်းၶွမ်းယဝ်ႉတဵၵ်း Open