လၢႆးသႂ်ႇ .Net Framework ၼႂ်း Windows 8.1 လႄႈ Windows 10

မႂ်ႇသုင်ၶႃႈ မိူဝ်ႈလဵဝ် ၸဝ်ႈသုတေမႃးလၢတ်ႈၼႄပၼ် လွၵ်းလၢႆး IT ဢိတ်းၼိုင်ႈ။ တီႈၼႂ်း Windows 8.1 လႄႈ Windows 10 ၼႆႉ ပေႃးတၢင်ႇၶိုၼ်ႈမႂ်ႇမႂ်ႇၼႆ မၼ်းဢမ်ႇသူႈလႆႈပႃး Net Framework မၼ်း။ ပေႃးဢမ်ႇလႆႈ သႂၢင်းပႃးၵေႃႈ မိူၼ်ၼင်ႇ Nero လႂ် Dictionary လႂ်ၸိူဝ်းၼႆႉ မၼ်းၸႂ်ႉတိုဝ်းဢမ်ႇလႆႈ။ ယွၼ်ႉၼၼ် မၢင်ၸိူဝ်းၵေႃႈ ႁႃၼိူဝ် ဢိၼ်ႇထိူဝ်ႇၼႅတ်ႉသေသႂၢင်း။ ၵူၺ်းၵႃႈၸဝ်ႈတႄႉ ႁႃသေမႃးသႂၢင်းတူၺ်းယူႇ မိူၼ်ႁၢင်ႈ ဢမ်ႇလႆႈ။ ၸင်ႇတေမႃးႁုလၢႆးမၼ်းဢၼ်ငၢႆႈငၢႆႈသုတ်း ဢဝ်ၶိုၼ်းၶူၺ်ႇ Windows ဢၼ်ႁဝ်းတၢင်ႇ ၼၼ်ႉႁဵတ်းၶိုၼ်းၵူၺ်းၵေႃႈလႆႈယဝ်ႉ။

လၢႆးႁဵတ်းမၼ်း

႑ႉ ဢဝ်ၶူၺ်ႇ Windows ဢၼ်ႁဝ်းတၢင်ႇၼၼ်ႉ သႂ်ႇၶဝ်ႈဝႆႉၼႂ်းၶွမ်း။

႒ႉ တဵၵ်းၼူၽၢႆႇၶႂႃ တီႈၼိူဝ်ႈ Start Menu ၼၼ်ႉသေ လိူၵ်ႈ Command Prompt (Admin)

႓ႉ ၵမ်းၼႆႉ ၵူႈဢဝ်လိင်ႉထႅဝ်လိၵ်ႈတႂ်ႈၼႆႉ ၵႂႃႇပွႆႇသႂ်ႇ 

DISM /Online /Enable-Feature /FeatureName:NetFx3 /All /LimitAccess /Source:d:\sources\sxs 

မၢႆတွင်း-ၽုၺ်ႇၶိုၼ်ႈမႃး Computer မၼ်းသေတူၺ်း ဝႃႈၶူၺ်ႇ DVD ႁဝ်းပဵၼ်ၶွင်ႉလႂ် မၼ်းပဵၼ် E  ႁႃႉ  F ႁႃႉ။ မၼ်းပဵၼ်ဢၼ်လႂ်ၵေႃႈ တဵၵ်းပိုၼ်ၵၢင်ႇတီႈၶီးပွတ်ႉၼၼ်ႉသေ ၶၢႆႉမႃးယဝ်ႉ ႁႂ်ႈလၢႆႈပဵၼ်ၶွင်ႉ DVD ဢၼ်ႁဝ်းသႂ်ႇၶဝ်ႈၶူၺ်ႇ Windows ၼၼ်ႉ။ ပေႃးယဝ်ႉတဵၵ်း Enter ၵမ်းၼိုင်ႈ 

(ပိူင်တႅၵ်ႈမၼ်း တူၺ်းၶႅပ်းႁၢင်ႈတႂ်ႈၼႆႉ)

႔ႉ ပေႃးမၼ်းတဵမ် ပၢၵ်ႇယဝ်ႉတႄႉ ၶႅမ်ႉလႅပ်ႈၵႂႃႇယဝ်ႉ။

႕ႉ ၵမ်းၼႆႉၶဝ်ႈတူၺ်း  Control Panel ၶဝ်ႈတီႈ Programs and Frartures တဵၵ်းႁိမ်းၶၢင်ႈသၢႆႉမိုဝ်းဢၼ်ပဵၼ် Turn Windows features on or off ၼၼ်ႉၵမ်းၼိုင်ႈ တေလႆႈႁၼ်မိူၼ်ၼင်ႇတႂ်ႈၼႆႉယဝ်ႉ။

မိူဝ်ႈပႆႇလႆႈသႂ်ႇ တေလႆႈႁၼ်မၼ်းထွၼ်မၢႆဝႆႉၸိူင်ႉၼႆ

ဝၢႆးသေသႂ်ႇယဝ်ႉယဝ်ႉ တေလႆႈႁၼ် မၼ်းမၢႆပၼ်ဝႆႉမိူၼ်ၼႆ

ၸဝ်ႈသုထမ်ႇမ(မိူင်းပၼ်ႇ)