တေႁဵတ်းႁိုဝ်သႂ်ႇ Sharing Buttons ၼႂ်းဝႅပ်ႉသၢႆႉႁဝ်း

မႂ်ႇသုင် ပီႈၼွင်ႉႁဝ်းၶဝ်တင်းသဵင်ႈ မိူဝ်ႈလဵဝ် ၸဝ်ႈသုထမ်ႇမ တေမႃးလၢတ်ႈၼႄပၼ် လွၵ်ႈလၢႆးႁဵတ်းတုမ်ႇ ၸႅၵ်ႇပိုၼ်ၽႄ ၵႂႃႇၼႂ်း Facebook, Twitter ၸၵႂႃႇၸိူဝ်းၼႆႉဢေႃႈ။ ၼႂ်းပလွၵ်ႉတႄႉ ၵေႃႈၵမ်ႈၼမ်ၼမ် မၼ်းတေပႃးယူႇၼင်ႇၵဝ်ႇ ၵူၺ်းၵႃႈ ၼင်ႇႁိုဝ်မၼ်းတေႁၢင်ႈလီတႃဝႅပ်ႉသၢႆႉႁဝ်းလႄႈ ၼင်ႇႁိုဝ်မၼ်းတေငၢႆႈၸႂ် ပုၼ်ႈတႃႇပိုၼ်ၽႄၵႂႃႇထႅင်ႈၼၼ်ႉ ႁဵတ်းၸွမ်းၼင်ႇပႃႈတႂ်ႈၼႆႉၶႃႈ။

လၢႆးႁဵတ်းမၼ်းတႄႉ တေတႅမ်ႈၼႄၸိူင်ႉၼႆၵူၺ်း သင်ပႆႇႁၢၼ်ႉၸႂ်ၵေႃႈ တူၺ်း ဝီးထီးဢူဝ်း မၼ်းၶႃႈၼႃႉ။
1။ ဢွၼ်တၢင်းသုတ်း ၶဝ်ႈၵႂႃႇၼႂ်း ဝႅပ်ႉသၢႆႉၼႆႉ https://www.addthis.com
ယဝ်ႉၵေႃႈႁဵတ်းဢၶွင်ႉၶဝ်ႈၼႂ်းမၼ်းယဝ်ႉ။
2။ လႆႈၸႂ်ဢၼ်လႂ်ၵေႃႈ လိူၵ်ႈသေႁဵတ်းဢဝ်။
3။ ပေႃးယဝ်ႉၵူးဢဝ်ၶူတ်ႉမၼ်းဝႆႉယဝ်ႉ သိုပ်ႇတဵၵ်းတီႈ Continue
4။ ၵမ်းၼႆႉ ၶဝ်ႈၼႂ်း ပလွၵ်ႉႁဝ်းယဝ်ႉ ၶဝ်ႈတီႈ Template >> Edit HTML
5။ တဵၵ်းၼႂ်းလွၵ်းမၼ်းၵမ်းၼိုင်ႈယဝ်ႉ တဵၵ်း Ctrl+Fတီႈၶီးပွတ်ႇယဝ်ႉ ပေႃႉသႂ်ႇ </body>
6။ ၵမ်းၼႆႉ ၶူတ်ႉဢၼ်ႁဝ်းၵူးမႃးမိူဝ်ႈၵႆႈၼၼ်ႉ ဢဝ်ပွႆႇဝၢင်းသႂ်ႇ ၽၢႆႇၼႃႈ </body> ၼႆႉ။
7။ တဵၵ်း Save Template ၵေႃႈယဝ်ႉယဝ်ႈ။

ၸဝ်ႈသုထမ်ႇမ(မိူင်းဢမ်ႇၼိမ်)