တၢင်းပဵၼ်ဢၼ်မႃးၸွမ်း တႃၼွၼ်းလု

လႅင်ႇၶၢဝ်ႇၾၢႆႇၵၢၼ်ၶူၼ်ႉၶႂႃႉၶဝ်လၢတ်ႈဝႃႈ မၢဝ်ႇသၢဝ်ဢၼ်ၼွၼ်းလိုၵ်း ဝၼ်းၼိုင်ႈၼွၼ်း 4 ၸူဝ်ႈမူင်း  6 ၶိုၼ်းထပ်းၵၼ် ၼၼ်ႉ ဝၢႆးလႆႈၸေႃႇ လိူတ်ႈသေၵူတ်ႇၸႅတ်ႈတူၺ်းၼမ်ႉဝၢၼ်(ၼမ်ႉတၢၼ်) ၼႂ်းလိူတ်ႇလႆႈႁူႉဝႃႈ ၼမ်ႉဝၢၼ်ၼႂ်းလိူတ်ႈ သုင်မိူၼ်ၵူၼ်းပဵၼ်တၢင်းပဵၼ်ယဵဝ်ႈဝၢၼ် ၼႆ။

လွင်ႈၼွၼ်းလိုၵ်းလႄႈၶၢၼ်(ၶႃ)တႃၼွၼ်းၼၼ်ႉႁဵတ်းႁႂ်ႈႁေႃႇမူင်းလဵပ်ႊတိၼ်ႊ (ႁေႃႇမူင်းတူဝ်ၼႆႉ တေႁဵတ်းႁႂ်ႈ ၵူၼ်းႁဝ်းၶႂ်ႈ ၵိၼ်) တွင်ႉမႆႈၶႂ်ႈၵိၼ်ယူႇတႃႇသေႇ ၵွပ်ႈဝႃႈၵူၼ်းၼွၼ်းလိုၵ်းၼၼ်ႉတေႁဵတ်းႁႂ်ႈ ႁေႃႇမူင်းတူဝ်ၼႆႉ ယွမ်းလူင်းသေႁဵတ်းႁႂ်ႈ ၵူၼ်းႁဝ်းၶႂ်ႈၵိၼ်ဢႁႃရၼမ်လိူဝ်ၵဝ်ႇ။

လွင်ႈၼွၼ်းဢမ်ႇဢိမ်ႇၼၼ်ႉ  ယင်းႁဵတ်းႁႂ်ႈမီးၽွၼ်းႁၢႆႉၼိူဝ်မဵတ်ႉလိူတ်ႈၶၢဝ် (ႁႅင်းၵမ်ႉ ၶၢမ်ႇတူဝ်) ဢမ်ႇ ၶႅင်ႁႅင်းသေႁဵတ်းႁႂ်ႈ ၵူၼ်းႁဝ်းပဵၼ်တၢင်းပဵၼ်ငၢႆႈ။ ၵူၼ်းၼွၼ်းလိုၵ်းၼၼ်ႉ ယင်းပဵၼ်တီႈမႃးၶွင်ၶႆ (ၵူၼ်းပီး) ယွၼ်ႉ မၼ်းႁဵတ်းႁႂ်ႈႁေႃႇမူင်းဢၼ် လေႃႇလဵင်ႉ တူဝ်ၶိင်းၵူၼ်းႁဝ်းၼၼ်ႉ လူင်းဢႄႇလႄႈ ႁဵတ်းႁႂ်ႈတွင်ႉမႆႈၶႂ်ႈၵိၼ်ဢႁႃႇရၼမ် ၶိုၼ်ႈ။ၵူၼ်းၼွၼ်းလိုၵ်းၶဝ် ယင်းမီး တိုဝ်ႉတၢင်းပဵၼ်မၢၵ်ႇႁႅင်း(ၵႅၼ်ႇသႃႇ) ငၢႆႈထႅင်ႈလူးၵွၼ်ႇ ယွၼ်ႉဝႃႈ  ၵၢင်ၶိုၼ်း ၼၼ်ႉမၼ်းလႆႈယူႇၸွမ်းသႅင်ၾႆးယူႇတႃႇသေႇ လႄႈ  ႁဵတ်းႁႂ်ႈပဵၼ် ၵႅၼ်ႇသႃႇၼူမ်းလႆႈငၢႆႈ ၼႆယဝ်ႉ။ ယွၼ်ႉၼၼ် ၵူၼ်းၸိူဝ်းဢမ်ႇပိၵ်ႉၾႆးသေၼွၼ်းၼၼ်ႉမီးတိုဝ်ႉတၢင်း ပဵၼ်ၽွင်ႈ ၵွပ်ႈၼႆထုၵ်ႇလီ ဝူၼ်ႉထိုင်ပၢႆးယူႇလီၸဝ်ႈၵဝ်ႇၽွင်ႈ။